H5N1 世紀大變種！救命呀！！

「各位，您們好！我的名字叫【琴留錦】。我為甚麼有這名字呢？因為我的媽媽太喜歡李商隱的詩，無論她做甚麼，她都在念他的詩。他和爸爸在合力製造我的時候，她正在閉目念「錦瑟無端五十絃，一絃一柱思華年。」這兩句，所以我出世時，為了紀念那動人的一刻，她便替我改了這名字。」

「各位，您們好！我的名字叫【擒樓敢】。我為甚麼有這名字呢？本來我不是這個名字的，但我自嬰兒開始懂得爬爬（讀〔爬扒〕）之後，便喜歡擒上擒落。現在，我已習染了一見到高樓大廈時，便不能自控的要由地面擒到上天台的怪癖。我的爸爸也沒有我辦法，唯有替我更改了這名字。」

「各位，您們好！我的名字叫【琴流咁】。我為甚麼有這名字呢？雖然我自少學習鋼琴，可是我就是連甚麼皇家學院第一級的試也考不到。但我自己卻喜歡彈琴，常常彈，不斷彈，也自覺彈得好好聽，可以我的朋友不以為然，常掩著耳說：「你學o左咁多年琴，點解你o的琴可以流成咁？」以後，他們就叫我【琴流咁】。」

乜嘢叫做有？乜嘢叫做無？

吊頸都要透下氣。今日我做嘢做到五點幾，好攰，想離開一下間書房，出去行下。就喺 e 個時候，呀單撈強打電話嚟，叫我同佢飲下啤酒，因為佢心情好鬼悶。 Ok，六點喺番個間「傾時啱」見。臨收線個陣，佢重加多句：「快啲喎，我好鬼 down！」

我去到酒吧時，佢自己已經嚉咗兩個「大加」，面紅紅，眼濕濕咁。我問佢：「你做乜喺咁 down 呀？你係 BT 精，有乜嘢你係 download 唔到架？」啤酒妹妹走過嚟，問我要乜？我要咗個 Guiness draft.

單撈強好燜憎咁話：「我都唔明，點解你身邊可以有咁多女人圍住你車車咁轉，睇你都唔係話好靚仔個款吖？而我？四張幾，重係吊吊 fing。你話嘞，我衰邊瓣吖？我邊度唔及人呀？」講完，一口飲埋個半杯大加，又叫多一個。

我安慰下佢話：「呀大哥，你唔好咁講啦，我啲都係普通朋友啫！朋友，唔係男就係女架啦！.........」

我想講落去，但係佢已經一嘢捉住我隻手，用好哀求嘅眼神同我講：「你咁多女人，邊個唔啱你使，咪彈過嚟，當益下細佬囉！.........我覺得人生真係好苦悶呀！」講完，佢真係好想喊個種樣。

我聽到，唔知好嬲抑或好笑，不過其實我好戥佢悲哀。唔係悲佢無女人，而係悲佢咁諗嘢，咁做人。我話：「單撈強，你唔好亂咁諗嘢啦！要有嘅時候，就會有架啦！你嘅心情我好明，但係做人嘅嘢，隨意就得啦！今日，我請你飲杯啤酒啦！」我叫啤酒妹妹過嚟，埋咗張單，又講：「喂，我又好鬼死多嘢做，我都係出嚟透下氣咋！唔同你嗲咁多啦！.........喂，重有，你唔好再飲啦，四十幾歲人，小心個肝呀！」

我走出咗個間酒吧，記得耶穌好似講過：「有的，還要加給他。無的，連他有的也要奪去！」之類嘅一句話。我苦笑咗一下。唉！我都係快啲番去做嘢最實際。

求求妳，放過我吧！

那個凌晨，我正為了趕工作死線，埋頭苦幹，通宵達旦。天昏地暗，日月無光之際，電話大響。是芬妮。

她劈頭劈腦的大叫：「他不睬我！我要發癲！」接著，便狂哭起來。

「......妳......妳又甚麼事呀？......」這個女人！極度自閉兼爆燈自戀夾超激自虐。

「他不理我！我要跳樓，我燒炭死！！」又底竭理斯的狂哭。我可以幻想到她一定是淚涕橫湧，臉上五官已扭作一幅畢加索的超現實畫。

我開始不耐煩：「妳呀！整天都思覺失調！A 君偶爾對妳調侃兩句，妳就以為他追求妳； B 君對妳稍為噓寒問暖，妳便立刻耍出個羞人答答狀，以為蜜運已經開始。 C 君略顯風度，替妳買了杯奶茶，妳又即思想超前到談婚論嫁的情景。A 君不睬妳？B 君不理妳？ C 君不娶妳？救命呀！要發癲、要跳樓燒炭的是我呀！求求妳，放過我吧！ Give me a break, please!!!」

她似乎聽不到我的說話，只是不斷的嚎哭大叫：「......他不睬我呀！......他不理我呀！......他不娶我呀！.......」

我猛然掛上電話，並拔掉了接線。有一分十五秒的時間，我替這個女人默哀。

窗外已開始泛白。

我起來，伸了個叫人欲仙欲死的懶腰，放了些 light jazz，又沖了一杯濃黑咖啡，然後回到我的書桌上，繼續我的工作。